Begaj në Ditën e Çlirimit të Shqipërisë: 80 vite më parë vendi ynë doli triumfues në luftën kundër fashizmit dhe nazizmit

10:50 | 29 Nëntor 2024
K.B

Presidenti i Shqipërisë, Bajram Begaj në Ditën e Çlirimit të Shqipërisë ka thënë se 80 vite më parë vendi ynë doli triumfues në luftën kundër fashizmit dhe nazizmit, i rreshtuar në anën e duhur të historisë.

Begaj tha se sot i përkujtojmë më mirënjohjen më të thellë dhe u përulemi me respektin më të madh, shkruan Arbresh.info

Duke shtuar se aspirata e tyre për liri mbetet detyrimi ynë për një Shqipëri të lirë e të përparuar.

Postimi i tij:

80 vite më parë vendi ynë doli trimfues në luftën kundër fashizmit dhe nazizmit, i rreshtuar në anën e duhur të historisë.

Mijëra shqiptarë, djem e vajza të vendit tonë, gjatë Luftës së Dytë Botërore sakrifikuan gjënë më të shtrenjtë, jetën, për diçka që ata e kishin edhe më të shtrenjtë, lirinë.

Sot i përkujtojmë më mirënjohjen më të thellë dhe u përulemi me respektin më të madh.
Sakrifica e tyre është amaneti ynë. Aspirata e tyre për liri mbetet detyrimi ynë për një Shqipëri të lirë e të përparuar.

Lavdi përjetë Dëshmorëve të Atdheut!

Shpërndaje në rrjete sociale

Lajmet më të lexuara

Të ngjashme

Foto lajm